Sopranoja Anna Netrebko debuton për herë të parë në rolin e saj si Aida, me mezzo sopranen Anita Rachvelishvili, si rivalen e saj Amneris. Aleksandrs Antonenko është luftëtari Radamès dhe Nicola Luisotti mban meritat e këtij prodhimi në Met Opera.

Në veprën "Samson & Delilah" të Saint-Saëns performojnë Elīna Garanča dhe Roberto Alagna në rolet kryesore; çifti i aktorëve u pa për herë të fundit në transmetimin direkt të veprës "Carmen" nga Bizet. Laurent Naouri performon në rolin e kryepriftit, së bashku me Elchin Azizov si mbreti Abimelech dhe Dmitry Belosselskiy si çifuti i vjetër. Dirigjent Sir Mark Elder.

Sopranoja Eva-Maria Westbroek performon si heorina në veprën romantike të Perëndimit të Egër nga Puccini. Së bashku me të performon tenori Jonas Kaufmann në rolin e të jashtëligjshmit Dick Johnson. Baritoni Željko Lučić është sherifi vigjilent Jack Rance. Dirigjon Marco Armiliato.

Vepra operistike "Marnie" nga Nico Muhly, bazuar në novelën e Winston Graham, e cila ka frymëzuar dhe trillerin e Alfred Hitchock, këtë sezon do të ketë premierën e saj në Metropolian Opera. Isabel Leonard performon në rolin kryesor, përkrah Christopher Maltman si bashkëshorti i saj shantazhues Mark Rutland, Iestyn Davies si vëllai i tij Terry, Janis Kelly si Znj. Rutland dhe e mirënjohura gjysëm-sopranoja Denyce Graves si e ëma e Marnie. Dirigjent Robert Spano. "Marnie" është një bashkë-prodhim me Operan Kombëtare Angleze, ku pati dhe premierën në vitin 2017.

Regjisori muzikor i MET, Yannick Nézet-Séguin dirigjon tragjedinë e pavdekshme të Verdit, "La Traviata". Me regji të Michael Mayer, Diana Damrau performon si heroina e dënuar Violetta, përballë Juan Diego Flórez si i dashurin e saj Alfredo dhe Quinn Kelsey si babai mbrojtës i Alfredos, Giorgio Germont.

Për herë të parë në MET, Anna Netrebko vjen në rolin kryesor si Adriana Lecouvreur, aktorja e madhe e shekullit të 18-të e dashuruar me heroin ushtarak Maurizio, të performuar nga Piotr Beczala. Gianandrea Noseda dirigjon tragjedinë e Cilea, me regji të Sir David McVicar. Pjesë e kastës janë gjithashtu Anita Rachvelishvili si princesha e Bouillon, rivale e Adrianës për ndjenjat e Maurizios; Ambrogio Maestri si miku besnik i Adrianës, Michonnet; dhe Carlo Bosi si mashtruesi Abbé.

Clémentine Margaine është aktorja joshëse në këtë vepër, përballë Roberto Alagna, i cili magjepsi publikun si Don José në vitin 2010. Louis Langrée dirigjon veprën e Sir Richard Eyre, një prej të preferuarave në repertorin e MET.

Pretty Yende dhe Javier Camarena bashkohen për të dhënë një super performanëme zërat e tyre në skenën e MET. Maurizio Muraro është rreshteri Sulplice, bashkë me Stephanie Blythe si markezja e huaj e Berkenfield. Dirigjon Enrique Mazzola.

Në veprën operistike Die Walküre nga Wagner, sopranoja Christine Goerke vjen në rolin e perëndeshës luftëtare Brünnhilde. Takimi i saj me binjakët Siegmund dhe Sieglinde, të kënduar nga Stuart Skelton dhe Eva-Maria Westbroek e çon në një udhëtim nga Valhalla drejt njerëzimit tokësor. Dirigjon Philippe Jordan.

Drejtori muzikor i MET, Yannick Nézet-Séguin drejton ansamblin në kryeveprën moderne të besimit dhe therorisë, nga Francis Poulenc. Isabel Leonard është e reja Blanche de La Force, përballë legjendës së MET, Karita Mattila.